Andekha Preetam - a poem on spirituality and meditation

I posted this on facebook in March, 2011

Pyar ki mashoori sunkar

Pyar ki itcha har naujavan dil rakhta hai

Pyar ki kahani vo nahi

Jo bin kiye, nadan shayar likhta hai.

Kabhi khud ko badnam karta hai

Kabhi premi ko iljaam deta hai.

Pyar vo shai hai, jiski bina pe

Hum har sans lete hain

Vo ankahi dastaan, jiske sahare

Jindagi ki kari chalti hai.

3. Vo preetam jise bhule baithe hain hum

    par jisne hamein ik pal bhi bhulaya nahi.

    Har ghari vo andar baitha, bas intzaar karta hai

  

 Ik din hum ardaas mai lein dein chhorenge

    Shikve shikayaton se door hokar, sirf uska sath mangenge

    yahi intzaar karta hai

4. Vo pyar ka saagar jisne is jahan mei

    Kai rang bhare, tumhe rijhane ke liye

    Kabhi us preetam ke pas baith kar, uski dastaan bhi sunn

    Kabhi aakash ko dekh, is hava ki baat sunn

    Bolta hai vo in saager ki lehron mei

    Kholta hai apna dwar tere liye subha shyam,

    Pukaar usai kabhi  in pehro mei

5. Vo jo dhoondte ho tum, abhi tumhe pata hi nahi

    Vo duniyavi pyar nahi, jo bhar de tumhara khalipan

6. Janoge kisi din, duniyavi khushiyan pane ke baad

    Milti nahi khushi, duniya ki har shai pane ke baad

    Jo milti hai, ik pal duniya bhulane mei.

    Ankhe moond, apne aap mei kho jane mei.

7. Ik sannate mei, ik dharkan sunoge tum

    Kutch rangon ki hogi varsha

    Aakash se jaise utregi ganga

    bin pani barsaat mei gad gad ho jaoge tum

    Aur aisi kitni hi pyar ki nishaniya

    Shri Guru Granth Sahib mei paoge tum

8. Us sache pyar ko pahchano

    Jisme anant sukh hai, sajaa nahi

    Pyar atma ka parmatma se milap hai

    Jug-hasai ke liye, tamasha nahi

    Pyar chupi hai, har roz ki shikayat nahi

9. Gum ahankaar ki nishani hai

    Gum ke geet gaya na karo

    Pyar anant khusi hai,milegi tumhe

    Tum uska HUKUM sar ankho pe bajaya to karo

10. Pyar ik dava nahi, pyar mit jana hai

      Pyar mei shikayat nahi, harne mei hi jeet jana hai

11. Vo andekha, unsuna; dekhta hai, bolta bhi hai

      Uska bolna juban se nahi,dil ke dwar se hai

      Uska dekhna dikhana, to ankhen moond ke hai

      Uske pyar ki gaharai, kisi aur pyar se toli nahi jati

      Uski daastan jo sun leta hai, vo fir bulai nahi jati

      Pyar mei karon aur, tumhe uska maja bataun

      Is tarha mohabat ki kadar pai nahi jati

12. Kabhi tum bhi is desh ki sair kar jao

      Kabhi duniya se nazar hatao, pretam se dil lagao

      Nahi maloom is raste pe kaise chalna hai?

     Jaan jaoge, Kabhi Nanak aur Kabeer ki sharan mei aao.